كيف اشحن عن طريق واصل

طريقة استخدام واصل بالعراقي كلش سهله

لنفرض عندك بضاعه تريد تشتريهه من امازون امريكا ، وتريد تشحنهه للعراق شنو تسوي ؟

اول شي راح تفتح حساب في امازون ، و راح تفتح حساب في واصل

من واصل راح تحصل ع عنوان امريكي خاص بيك باسمك ، راح تروح للامازون تطلب الشي الي تريد تشتري و راح يسالك عن عنوانك ، راح تخلي عنوانك الامريكي الي حصلته من واصل و تكمل عملية الشراء باستخدام بطاقتك البنكية الخاصة بك

بعدهه تنتظر لحين ما امازون يشحن البضائع الى مخازن شركه واصل في امريكا ، من توصل البضاعه الى مخازنه راح ندخلهه بالسستم على اسمك ( لذلك من راح تفتح حسابك في واصل راح تكدر تشوف تفاصيل بضاعتك بالكامل )

بعدهه نجمعلك البضاعه و نغلفهه ونشحنهه من مخازنه في امريكا الى العراق ، وراح تكدر تتابع الشحنه بالكامل من خروجهه من امريكا لحين وصولهه للعراق

بعد ما توصل راح يبين عندكم انها وصلت ل مخازن العراق ، تكدرون تتفضلون تستلموهه من افرع الشركة او تطلبوهه توصيل للبيت عبر السستم

واصل 💜

خطوة اقرب للعراق

تحديث في: 08/07/2024